შეხვედრა ფილიპინების რესპუბლიკის საგარეო საქმეთა მინისტრთან
ფილიპინების რესპუბლიკაში საქართველოს საგანგებო და სრულუფლებიანმა ელჩმა, თორნიკე ნოზაძემ, შეხვედრა გამართა ფილიპინების რესპუბლიკის საგარეო საქმეთა მინისტრთან, მარია ტერეზა ლაზაროსთან.
შეხვედრისას მხარეებმა მიმოიხილეს საქართველო–ფილიპინების ორმხრივი თანამშრომლობის არსებული მდგომარეობა და მისი შემდგომი განვითარების პერსპექტივები. განსაკუთრებული ყურადღება დაეთმო ისეთ სფეროებს, როგორიცაა ვაჭრობა, განათლება, ტურიზმი და კულტურული თანამშრომლობის გაღრმავება.