შეხვედრა ტურიზმის სამინისტროში
19 მაისს, საქმეთა დროებითმა რწმუნებულმა, თორნიკე ნოზაძემ შეხვედრა გამართა ინდონეზიის რესპუბლიკის ტურიზმის მინისტრის მოადგილესთან, ქ-ნ მარტინი პაჰამთან.
მხარეებმა განიხილეს ტურიზმის სფეროში არსებული ურთიერთობების დინამიკა და თანამშრომლობის შემდგომი გაფართოების შესაძლებლობები. ინდონეზიურ მხარეს გადაეცა საქართველოსა და ინდონეზიას შორის ტურიზმის სფეროში თანამშრომლობის მემორანდუმის პროექტი. ამასთან, ხაზი გაესვა სახელმწიფო და კერძო სექტორების მეტად დაახლოების, კომპეტენტურ უწყებებს შორის გამოცდილების გაზიარებისა და ორ ქვეყანას შორის ტურისტული ნაკადების გაზრდის მიზნით ერთობლივი პროექტების განხორციელების მნიშვნელობას.
