ASTINDO-ს თავმჯდომარესთან შხვედრა

24 ივლისს, საქმეთა დროებითი რწმუნებული თორნიკე ნოზაძე შეხვდა ინდონეზიის რესპუბლიკის  ტურისტული სააგენტოების ერთ-ერთი უდიდესი ასოციაციის ASTINDO თავმჯდომარეს პაულინ სუჰარნოს და სხვა წარმომადგენლებს. ASTINDO აერთიანებს 1,500  ტურისტულ სააგენტოს 23 პროვინციაში. არის მსოფლიო ტურისტული სააგენტოების ასოციაციის ალიანსის (WTAAA), ASEAN-ის ტურისტული ასოციაციის ფედერაციის (FATA), ASEAN-ის ტურიზმის ასოციაციის (ASEANTA), მსოფლიო ტურიზმის ალიანსის (WTA), ასევე ინდონეზიის სავაჭრო-სამრეწველო პალატის და ინდონეზიის ტურიზმის ინდუსტრიის ასოციაციის (GIPI) წევრი.

შეხვედრაზე განხილულ იქნა საქართველოს ტურიზმის ინდუსტრია, მისი პოტენციალი და ინდონეზიიდან ტურისტული ნაკადის გაზრდის ხელშეწყობის მიზნით, ერთობლივი ღონისძიებების და პროექტების განხორციელების საკითხი.