საქართველოს საგარეო საქმეთა მინისტრი ისრაელის შინაგან საქმეთა და ჯანმრთელობის მინისტრს შეხვდა

2023 წლის 3 მაისს ილია დარჩიაშვილმა შეხვედრა გამართა ისრაელის სახელმწიფოს შინაგან საქმეთა და ჯანმრთელობის მინისტრთან, მოშე არბელთან.

შეხვედრაზე მხარეები მიესალმნენ საქართველო-ისრაელის დინამიურ ურთიერთობებს და მჭიდრო თანამშრომლობას. აღინიშნა ორი ქვეყნის დადებითი გამოცდილება უსაფრთხოების სფეროში თანამშრომლობის მიმართულებით.

საუბარი შეეხო მიგრაციის პოლიტიკას და ცირკულარული მიგრაციის შესაძლებლობის გამოყენების მნიშვნელობას.

მხარეები შეთანხმდნენ სამომავლო მჭიდრო თანამშრომლობაზე.