სინგაპურის რესპუბლიკაში საქართველოს საგანგებო და სრულუფლებიანმა ელჩმა რწმუნებათა სიგელები გადასცა სინგაპურის რესპუბლიკის პრეზიდენტს
სინგაპურის რესპუბლიკაში საქართველოს საგანგებო და სრულუფლებიანმა ელჩმა, თორნიკე ნოზაძემ რწმუნებათა სიგელები გადასცა სინგაპურის რესპუბლიკის პრეზიდენტს, თარმან შენმუგარატნამს.
ცერემონიის ფარგლებში, საქართველოს ელჩს და სინგაპურის რესპუბლიკის პრეზიდენტს შორის შედგა შეხვედრა, რომლის დროსაც მხარეებმა ისაუბრეს ორ ქვეყანას შორის არსებულ მეგობრულ ურთიერთობებსა და თანამშრომლობის ძირითად მიმართულებებზე. შეხვედრაზე გამოითქვა მზადყოფნა საქართველოსა და სინგაპურს შორის პარტნიორობის შემდგომი გაღრმავებისა და სხვადასხვა სფეროში თანამშრომლობის განმტკიცების შესახებ.